 Рочестерийн их сургуулийн эрдэмтэд уцаартай, бухимдуу хүмүүсийн хүүхэд үеийнхнээсээ илүү өвчлөмтгий байдгийг тогтоожээ.Мэри Касертагаар ахлуулсан судалгааны баг гурван наснаас дээш 169 хүүхдийг ажигласан бөгөөд тэдний талаас илүү хувь нь байнга хэрэлдэж, муудалцдаг хосын хүүхэд аж. Тэдгээр хүүхдүүдийн 75 хувь нь дуу цөөтэй, бүрэг байсны дээр түргэн ууртай байжээ. Мөн бусдаасаа илүү жижиг биетэй, биеийн эсэргүүцэл нь сул аж. М.Касертагийн хэлснээр хүүхдийн бие, сэтгэхүй цэгцрэх үед буюу 2-8 настайд нь тайван, эрүүл орчинд байлгах нь чухал гэнэ. Нөгөөтэйгүүр, аав ээжээ уурлаж, маргалдахыг харж өссөн хүүхэд аймхай, сул дорой болдгийг тэрбээр онцолжээ. Түүний баг Бристолын их сургуулийн анагаах ухааны тэнхимийн эрдэмтэдтэй хамтарч бухимдуу, уцаартай эцэг эхийн хүүхдийн сэтгэхүй эрүүл мэндэд хэрхэн нөлөөлдгийг судалж байгаа аж. |
|
